ബാക്കിപത്രം
താപം തളിര്‍ക്കൊന്നൊരീമണല്‍ക്കാട്ടിലെ
വാരാന്ത്യസന്ദര്‍ശനത്തിന്റെ വേളയില്‍
അത്തര്‍മണക്കുന്ന സമ്മാനമൊന്നെനിക്കാ-
ദ്യമായ്ത്തന്നൊരാച്ചേട്ടനെക്കണ്ടു ഞാന്‍.
"പേര്‍ഷ്യ"യിലുദ്യോഗം,പൊന്‍പണമൊത്തിരി"
അമ്മ പറഞ്ഞൊരാക്കാര്യങ്ങളോര്‍ത്തു ഞാന്‍...
"നീ വലുതായിട്ടു ചൊല്ലിടാം,അയല്‍ബന്ധു;
കരയൊന്നു കേറിടാന്‍ കനിയാതിരിക്കുമോ..?
കാലം കൊടുങ്കാറ്റുപോലെ കടന്നു പോയ്..
തൊഴില്‍തേടിയലയുന്ന കൂട്ടത്തിലൊരുവനായ്
ചോദ്യശരങ്ങള്‍ സഹിക്കുവാനാകാതെ
മച്ചകത്തില്‍ത്തന്നെ കാലം കഴിച്ചനാള്‍..
ഭാഗ്യമായ് വന്നൊരീ കര്‍മ്മകാണ്ഡത്തിലേ-
ക്കങ്ങനെ-ഞാനുമിറങ്ങിയന്നീ മണ്ണില്‍
നാളുകളങ്ങനെ പിന്നെയും പിനിട്ടു
നാളയെക്കാത്തിരിക്കുനവനായി ഞാന്‍..
"നീയിവിടെങ്ങിനെ വന്നൂ...? തളര്‍ന്നൊരാ
ശബ്ദമെന്നോര്‍മ്മതന്‍ താള്‍കള്‍ മടക്കവേ..
വേനല്‍ ജ്വലിക്കുന്ന 'ഗല്ലി'ക്കകത്തെ മുറി-
ക്കുള്ളിലേക്കു ക്ഷണിച്ചു പറഞ്ഞയാല്‍..
"നാട്ടിലെ ഞാനല്ല;മുന്‍പിലീക്കാണ്മതും
പൊള്ളും വെയില്‍ പോലെ സത്യമത്രേ
ജീവിതമിങ്ങനെ അക്കരെയിക്കരെ
വേഷങ്ങള്‍ മാറിച്ചവിട്ടിടുന്നു...
"നാം വീടു വിട്ടവര്‍,വാടകമണ്ണിലേ
വാടിത്തളരാന്‍ വിധിക്കപ്പെട്ടോര്‍.
എങ്കിലും സംത്യപ്തിയുണ്മയായ് ശേഷിപ്പൂ
നാട്ടിലെന്‍ മക്കള്‍ ചിരിച്ചിടുമ്പോള്‍..."
ഉഷ്ണം പുകയുന്ന ജീവിതമിങ്ങനെ
വേദാന്തമാക്കിയോരെത്രയെത്ര..?
ഈ സ്വപ്നഭൂമിയില്‍ 'അന്ന'ത്തിനായ് വന്ന
ഞാനെത്ര ഭാഗ്യവാന്‍! ഓര്‍ത്തുപോയി...
എണ്ണ ചുരത്തുന്ന മണ്ണിലീ ജന്മത്തെ
കൂട്ടിക്കിഴിച്ചു കണക്കെടുത്തീടവേ
ജീവിതത്തോടു നാം വാങ്ങിയതെന്തെല്ലാം..?
ഉറ്റോരുമുടയോരുമായ് ബാക്കിയാരെല്ലാം...?
എനിക്ക് എഴുതു 
നാം വീടു വിട്ടവര്‍,വാടകമണ്ണിലേ
വാടിത്തളരാന്‍ വിധിക്കപ്പെട്ടോര്‍.
എങ്കിലും സംത്യപ്തിയുണ്മയായ് ശേഷിപ്പൂ
നാട്ടിലെന്‍ മക്കള്‍ ചിരിച്ചിടുമ്പോള്‍..." നല്ലകവിത ഈ വരികൾ മനസ്സിലെവിടെയോ ഒന്നു കൊളുത്തിവലിച്ചു..ആശംസകൾ
മനോഹരമായ ഒരു പ്രവാ‍സകവിത....
ആശംസകള്‍...
"നാം വീടു വിട്ടവര്‍,വാടകമണ്ണിലേ
വാടിത്തളരാന്‍ വിധിക്കപ്പെട്ടോര്‍.
എങ്കിലും സംത്യപ്തിയുണ്മയായ് ശേഷിപ്പൂ
നാട്ടിലെന്‍ മക്കള്‍ ചിരിച്ചിടുമ്പോള്‍..."
നല്ല വരികൾ
Kollaam.
ഒന്നു കണ്ട് പോകാന്‍ സന്മനസ്സ് കാണിച്ച താരകനും കോട്ടോടിമാഷിനും ലക്ഷ്മിക്കും പിന്നെ തലശ്ശേരിക്കും നന്ദി.
എണ്ണ ചുരത്തുന്ന മണ്ണിലീ ജന്മത്തെ
കൂട്ടിക്കിഴിച്ചു കണക്കെടുത്തീടവേ
ജീവിതത്തോടു നാം വാങ്ങിയതെന്തെല്ലാം..?
ഉറ്റോരുമുടയോരുമായ് ബാക്കിയാരെല്ലാം...?
:)
നന്നായിട്ടുണ്ട്...*
കാവ്യത്വമുള്ള വരികള്‍...
നന്ദി ശിവ...
ആത്മകഥാംശമാണധികവും...എന്താ ശരിയല്ലേ........
ശരിയാണ്. വായൈച്ചറിഞ്ഞതിന് നന്ദി,അരുണ്‍
കൊള്ളാം, ലയാനുവിദ്ധമായ വരികള്‍..എങ്കിലും ആ സ്കൂള്‍ കേരളാസ്റ്റേറ്റു വിട്ട് സി ബി എസ് സി ആയല്ലോ ! അതും ഒരു ദുഃഖകാരണം തന്നെ.
വെള്ളെഴുത്തിന്
സത്യം തന്നെ.അങ്ങനെ...... ഒക്കെ ദു:ഖം തന്നെ
നന്ദി
മനോഹരമായിരിക്കുന്നു.
ഒരുപാടു പേർക്കു പറയാനുള്ളത്‌ താങ്കൾ ഒറ്റയ്ക്കു പറഞ്ഞു.